الاثنين، 7 أبريل 2008

الابوذيات الذهبيه


وكع كلبي بغرامك ماتشيلة
وترى كلبي التعذب مات شيلة
اخابر وانت تسمع ماتشيلة
وينك ياحلو بس رد عليه
&&&&&&&&&&&&&&&&&&&&&&&&
اريد افرمت كلبي والغي رامه
واريد اشيل العشك منه والغرامه
عليك انت المخطط و الغرامه
لأن حسنك كسر غفلة عليه
&&&&&&&&&&&&&&&&&&&&&&&&
محد حل لغز حبك حلالاي
وغيرك بلبشر لاضن حلالاي
نذر لو صار لبالي حلالاي
اجيب عيوني اطشهن واهليه
&&&&&&&&&&&&&&&&&&&&&&&&
رخة جسمي علمودك من رخة صتك
وسومن بيك غالي من رخصتك
دست فوكي دكلي من رخصتك
حتى براحتك تسحك علية.
&&&&&&&&&&&&&&&&&&&&&&&&
احبك من كلب ولسان ينسام
وجمالك بالذهب والمال ينسام
انه بسمج اريد الكلب ينسام
لان اسمج يرد عافيتي اليه
&&&&&&&&&&&&&&&&&&&&&&&&
كلبي مااختلف طبعه و لا دار
و ذهب ماهمني بعدك ولا دار
حبيبي لا وطن عندي ولا دار
وبس اعيونك بيت اتصير اليه
&&&&&&&&&&&&&&&&&&&&&&&&
تعتني الروح مرة ومرة تلها.
ليالي شكد صعبة مرت الها.
همر قلبي وتاهت من رتلها.
تعال صير عبوة وطك عليه.
&&&&&&&&&&&&&&&&&&&&&&&&
نحيل الجسم من بعدك تراني
واريدك دوم بعيونك تراني
افكر بيك كل ساعه تره اني
احبك حيل يل كلك اليه
&&&&&&&&&&&&&&&&&&&&&&&&
كلبي ما لعب غيره لعابه
واحسن دوه لامراضي لعابه
سبحانه الذي صاغه لعابه
ونفخ بي روح حتى يعم عليه
&&&&&&&&&&&&&&&&&&&&&&&&
كلبي من الصغر حبه بدالك
ومااظنة ايعشك واحد بدالك
سوي شما يعذبني وبدالك
احبنك قفلت وهاي هيه
&&&&&&&&&&&&&&&&&&&&&&&&
افرح لو شفت وجهك وسر بيه
وحبك بالكلب ثابت وسر بيه
شماطال الدرب امشي وسر بيه
واجيب الروح لعيونك هديه
&&&&&&&&&&&&&&&&&&&&&&&&
انه اول احبك واخر اني
والسبب عطلني صدك واخراني
الكلب من ردت اشبكك وخراني
وركض هوة يشبكك قبل ادية

&&&&&&&&&&&&&&&&&&&&&&&&
زبد يا ملمس الوجنه ... من الحر
اخاف تموع من تمشي ... من الحر
ابنادم صورك ربك .... من الحر
وانه الدافع ثمن هاي البليه
&&&&&&&&&&&&&&&&&&&&&&&&
يظل حبك ترى بكلبي علي دين
وعهد للموت ما انساك علي دين
ولولا البعد لمشي لك على ايدين
تفداك الروح ياغالي علية.
&&&&&&&&&&&&&&&&&&&&&&&&
شفت شمس وكمر يضوي خلالك
ربك من وجه يوسف خلا لك
تنحه الحسن عن عرشه خلا لك
لأن شافك صبح بوكت المسية.
&&&&&&&&&&&&&&&&&&&&&&&&
ما أدري شكضه من الليل وشتم
ومن خدك أحوش الورد وشتم
وأعذرك حيل سبني بزعل وشتم
تره شما تشتم ثواب لوالدية
&&&&&&&&&&&&&&&&&&&&&&&&
العشك بيه انختم بسمك وتم لك
يمن تامر عرش روحي وتملك
احس الناس جن خدم وتملك
واحسك تامر بروحي عليه
&&&&&&&&&&&&&&&&&&&&&&&&
كبل يفهمني كلبك منك احلى
وانا الما يوم شايف منك احلى
اجيت لرمش عينك منك احلى
سحرني والكحل طاح من ادية
&&&&&&&&&&&&&&&&&&&&&&&&
وحك ارموشك الحلوه...وعينك
انا بالشده واكفلك...وعينك
لون بيدي لنصبنك...وعينك
ملك تحكم على كل البريه
&&&&&&&&&&&&&&&&&&&&&&&&
احبكم اكثر من الكون وانـسة
وعندي الموت اذا يرضيك ونسة
ما فارگ ابد ذكراك ونــسة
واقدم روحي لعيونك هدية

&&&&&&&&&&&&&&&&&&&&&&&&
الك دوم انه اتعنى وصل بيك
وعنادك وين يبن ادم وصل بيك
حبيبي وشايل بجيبي وصل بيك
وباجر بيك انا مطلع هوية


مع خالص حبي
تيمووو

هناك تعليقان (2):

lovely يقول...

الى الانسان الذي احببته حباً لا يوصف


الى من تربع في قلبي وجعل حبه وساماً على صدري


الى من يعيش ليلي ونهاري الى فارسي وفتى احلامي


الى من نقشته الاقدار في قلبي وحفرت اسمه في عقلي


وعروقي

الى الذي تهوااااااااااه الروح والجسد واليه تركن الاهات والوئام


الى من قضيت معه اسعد لحظات حياتي


اليك ........يا من تغار منه الشمس والقمر وكل البشر اليك يا اغلى من عمري

اهديك قلبي وحبي وعمري لقد اصبحت كل شي في حياتي


انت دمعتي وبسمة حياتي انتنبض قلبي احلامي وامالي انت حبي الاول والاخير


لاجلك اطرح العالم جانبااااا فقلبي لن يضم الا حبك وصدري لن يضم الا شوقك وحنانك


اقسم ..........

انني لااااااااا ولن اقدر على ان احس اذا كانت الحياة خالية منك

lovely يقول...

الك دوم انه اتعنى وصل بيك
وعنادك وين يبن ادم وصل بيك
حبيبي وشايل بجيبي وصل بيك
وباجر بيك انا مطلع هوية

وباجر بيك اني هم اطلع هوية